अरे, धरती पे उतरनै दशरथ नन्दन,
करी चलिके वंदन, करा अभिनन्दन हो।
हे! राजा जी, बाटे ऊ तव जइसे
सच्चिदानंद कि उठे मन तरंग नु हो।
हमरा जनात बबुआ विष्णु होई हैं,
मुरली मनोहर होई हैं, नहीं तव ब्रह्मा होई हो,
हे! राजा जी, कौशल्या की गोंदिया में,
ऊ राम होई हैं, नहीं तरन-तारन होई हो।
अरे, धरती पे उतरनै दशरथ नन्दन,
करी चलिके वंदन,करा अभिनन्दन हो।
हे! राजा जी, बाटे ऊ तव जइसे
सच्चिदानंद कि उठे मन तरंग नु हो।
अन्न-धन लुटावेनी कौशल्या,
कि सोनवाँ सुमित्रा,रूपइया नाना-नानी नु हो।
हे! राजा जी, दशरथ लुटावेनै खजनवाँ,
कैकेयी हीरा-मोती नु हो।
अरे, धरती पे उतरनै दशरथ नन्दन,
करी चलिके वंदन,करा अभिनन्दन हो।
हे! राजा जी, बाटे ऊ तव जइसे
सच्चिदानंद कि उठे मन तरंग नु हो।
राजा कै मनसा पुराईल, सरयू लहराईल,
कि बसंत रितु छाईल हो।
हे! राजा जी, अवध में भइलै ललनवाँ,
अँगनवाँ उठे सोहर हो।
अरे, धरती पे उतरनै दशरथ नन्दन,
करी चलिके वंदन,करा अभिनन्दन हो।
हे! राजा जी, बाटे ऊ तव जइसे
सच्चिदानंद कि उठे मन तरंग नु हो।
रामकेश एम. यादव, मुम्बई
मो.नं. 7045535450
